Este proxecto está motivado polos modelos de xestión da calidade total. Dentro do modelo Europeo de calidade (EFQM) tres das numerosas metodoloxías existentes son as seguintes:
a) Norma ISO 9001.
A nova norma ISO 9000 incorpora aspectos como a medida da satisfacción dos
clientes e o establecemento de obxectivos de mellora continua, cos cales se reforza o ciclo de
xestión da calidade dos produtos e servizos. Por todo iso, cando unha
organización aplique os contidos desta norma no seu Sistema de Xestión da Calidade, estará mellorando
a súa forma de xestionar, principalmente, no Criterio Procesos e no Criterio Resultados nos Clientes do
Modelo EFQM de Excelencia.
b) Norma
ISO 14001
A aplicación dun
Sistema de Xestión Medioambiental seguindo as directrices contidas nesta norma,
permítelle ás empresas desenvolver
produtos menos lesivos co medio ambiente e mellorar a xestión dos seus
recursos, reducindo o consumo de materias primas, auga e enerxía; aproveitando
e minimizando os residuos e reducindo os custes de embalaxe, almacenamento e
transporte. Polo tanto incide, principalmente, no Criterio Alianzas e Recursos
e no impacto social ou Criterio
Resultados na Sociedade.
c) Xestión
de Procesos
Pódese definir un
“Proceso” como calquer secuencia repetitiva de actividades que unha ou varias
persoas (Intervintes) desenvolven para facer chegar "algo" (Saída) a
"alguén" (Destinatario), a partir duns recursos que se utilizan (recursos
amortizables que precisan empregar os intervintes) ou ben se consumen (Entradas
ao proceso). A xestión e mellora de procesos é un dos pilares sobre os que
descansa a xestión segundo os principios de “Calidade Total / Excelencia”. Polo
tanto, actúa, principalmente, no Criterio Procesos.
Ningún comentario:
Publicar un comentario